አሕባሽ ለሀገር ልማት ????

አሕባሽ ለሀገር ልማት
- በርግጥ ይለምናሉ፡፡ ግን በብዛት በህይወት ያለ ሰው አያስቸግሩም! ከሞተ ሰው ነው የሚለምኑት!(ቡግየቱጧሊብ፡ 8፤ ሶሪሑልበያን፡ 57-58፤ አደሊሉል ቀዊም፡ 173) ወይም ከድንጋይ ነው በረካ የሚፈልጉት!!(ሶሪሑልበያን፡ 58፤ ኢዝሃሩል ዐቂደቲሱኒያህ፡ 244)
- በስራ ቦታዎች ላይሆንላቸው ተፍ ተፍ በማለት የስራ ቦታዎችን አያጨናንቁም፡፡ ይልቅ ጫት ነው የሚቅሙት፡፡ እስኪ ዐስር ሶላት ላይ የማይገኙ የሱፍያ ኢማሞችን ቁጠሩ፡፡ እንግዲህ በየቀኑ ለሀገር ኢኮኖሚ የሚያስገቡትን አስቡት?
- አሕባሽ ለውበት፡- ዐብደላህ አልሀረሪ፡ ሒጃብ የሰውነትን ቀለምና ፀጉርን ከሸፈነ ይበቃል ብሏል(ቡግየቱ ጧሊብ፡ 104(አዲሱ እትም፡137))፤ ተማሪው ኒዛር ሐለቢ፡ ሴቶች ወጣቶቻችን በጂንስ ይዋባሉ፤ ምክኒያቱም እኛ ሰውነትን መሸፈንም ፋሺን መከተልም በተመሳሳይ ጌዜ እናስገኛለን ብሏል(አልሙስሊሙን ጋዜጣ ቁጥር፡407፣ 1992)፤ ሴት ሽቶ ተቀብታ መውጣቷን ፈቅዷል(ቡግየቱ ጧሊብ፡ 351(አዲሱ እትም፡446))
- አሕባሽ ሙድ የገባው፡- ከአጅነቢይ ጋር በእጆቻቸው መካከል የሚለይ ነገር አድርጎ መጨባበጥን ፈቅዷል(ሶሪሑል በያን፡ 144)፤ የሴቶችና የወንዶችን መቀላቀል ፈቅዷል(ሶሪሑል በያን፡ 178-179)፤ በስሜት ካልሆነ ሴትን ለረጅም ጊዜም ቢሆን መመልከት ይቻላል(ቡግየቱ ጧሊብ፡224፣287፣288(አዲሱ እትም፡280፣266፣267))፤ ቤተሰብ ከሆነች ደግሞ ከእንብርት እስከ ጉልበት ካለው ውጭ መመልከት ይቻላል(ቡግየቱ ጧሊብ፡290(አዲሱ እትም ላይ ግን አውጥቶታል)፤ ወንድ ወይም ሴት መሆኑ ከማይለይ ፍናፍንት ጋር በረመዷን ግንኙነት ማድረግ ፆም አያበላሽም(ቡግየቱ ጧሊብ፡ 192(አዲሱ እትም፡243))፤ ብልት ከተሸፈነ በፓንት ሶላት መስገድ ይቻላል(ቡግየቱ ጧሊብ፡ 139)
- አሕባሽ የቴክኖሎጂው ትውልድ፡- የአለም ቅርፅ ላይ አዲስ ግኝት አግኝተው ቂብላ ቀይረዋል
- አሕባሽ ዘመኑን የቀደመ የህክምና ግኝት ባለቤት፡ አንድ በርሜል ውሃ ውስጥ አንዲት ፀጉር ብቻ በመክተትና በመርጨት ለበርካቶች ፈውስ ይሰጣሉ፡፡ በዚህም ለህክምና የሚወጡ አላስፈላጊ ወጪዎችን በማስወገድ ለሀገር ኢኮኖሚ የበኩላቸውን ያበረክታል
- አህባሽ ለአእምሮ ንቃት፡- አላህ አለ ግን ከአለም ውስጥም ከአለም ውጭም የትም የለም! ገባችሁ? ቆይ እናንተ የትኛው ነገራችን ነው የሚገባችሁ? እሺ ይሄስ ይገባችኋል? በነጃሳ ያውም በውሻ ኩስ፣ ሽንትና ልጋግ ተጨማልቆ መስገድ ይቻላል(ቡግየቱ ጧሊብ፡ 99-100(አዲሱ እትም፡131-132))፤ የትኋንና የቅማል ደም ግን ነጃሳ ነው፤ የነካውም ሰው አወቀም አላወቀም ሶላቱ ውድቅ ነው(ቡግየቱ ጧሊብ፡ 87(ሁለተኛ እትም፡ 119))፣ ኢስቲንጃን ከውዱእ በኋላ ማድረግ ይቻላል(ቡግየቱ ጧሊብ፡134)፡፡ አሁንም አልገባችሁም? አቤት አእምሮ!
- አሕባሽ ለድህነት ቅነሳ፡ ከወረቀት የብር ኖት ዘካ የለም(ቡግየቱ ጧሊብ፡160፣ 169(አዲሱ እትም፡207))
- ተጠየቁ! እናንተስ ሀሜተኞች ምን አበረከታችሁ?!

አሕባሽ ለዘላቂ ሰላምና መረጋጋት
- እርግጥ ነው በእውር ድንብር ያከፍራሉ፤ ለማክፈርም ያዳላሉ፡፡ በተመሳሳይ ነጥብ አንዱን አውግዘው ሌላውን ያልፋሉ፡፡ ዐብደላህ አልሀረሪ፡- ኢማሙ ዘህቢን ቆሻሻ ይላል፤ ኢብኑ ተይሚያን፣ ዳሪሚይን፣ሙሐመድ ኢብኑ ዐብዱልወሃብን፣ አልባኒን… ያከፍራል፡፡ ቢሆንስ የነዚህ ሰዎች መከፈር አለመከፈር ከሀገር ሰላም ጋር አዎንታዊ ካልሆነ በቀር ምንድነው አሉታዊ ውጤቱ?! እንዴ እናስተውል እንጂ!
- መስከረም(?) ላይ የታተመው የኢትዮጵያ እስልምና ገዳይ/ መጁሰል አዕላ ልሳን የሆነው “ነጃሺ” መፅሄት (“ጃ”ን ጠበቅ ያርጓት) ከአራቱ መዝሀቦች ተከታዮች ውጭ ሙስሊም እንደሌለ አስፍሯል፡፡ ከነዚህም ውስጥ “አላህ ከዐርሹ በላይ ነው” የሚሉ፣ ለኢብኑ ተይሚያ … የሚከላከሉ ይቀነሳሉ፡፡ ቢሆንም ይሄ እራሱ ላስተዋለው ለሀገር ሰላምና መረጋጋት የራሱ ፋይዳ አለው፡፡ አገኛችሁት? ፐ!
- -የካፊርን ገንዘብ መስረቅ(ካሴት ቁጥር፡2)፣ በቁማር መብላት ይቻላል(ሶሪሑል በያን፡133-134)፡፡ ቢሆንም ችግር በማይፈጥር መልኩ ስለሚሰራ ብዙም የሀገርን ሰላም አያናጋም፡፡
- እናንተ የአሕባሽ ተቃዋሚዎች ግን አህባሽን በመቃወም የሀገሪቱን ሰላምና መረጋጋት ነስታችኋል!!!!
Be the first to comment

Related Articles

Latest Articles

Most Popular